Cîgira Serokê Koma HDP’ê Meral Daniş Beştaş li Meclîsê daxuyanî da û rojev nirxand.

Endama HDPê Beştaş der barê bernameyên ku Serokomar Recep Tayyîp Erdogan li Amedê organîze kir de axivî û got, “Gelek otobus û mînîbus ji Sêwas, Konyayê û Trabzonê çûne Amedê. Di mitînga do a Amedê de kesên Amedê pir kêm bûn. Xebateke baş ya geştiyariyê çêbû, hêvî dikim ku esnafan jê îstîfade kiribin. Mîtîngên Erdogan ên Amedê êdî veguheriye îşkenceya psîkolojîk.”

Beştaş, diyar kir ku gelê Amedê ji serdana Serokomar Erdogan ne razî ye û got, "Dema ku Çelebî tevlî partiya wî bû, bi zihniyetek serhişkî ji hemû jinên Tirkiyeyê û civaka Kurd re bi hebûna zarokên zêde nîjadperestî îlan kir. Piştî du rojan diçe li Amedê evîna xwe eşkere dike. Ji ber vê yekê ne hewce ye ku vê nakokiyê were vegotin. Erdogan jî li xwe mukurhat û qebûl kir ku ew dijminê kurdan e.”

Parlamentera HDP'ê Beştaş, diyar kir ku der barê girtina Zîndana Diyarbekirê de weke ku mizgînÎ be hatiye ragihandin û got: "Baş e, gelo dema Girtîgeha Amedê ya 5'emîn bê girtin, îşkence li Tirkiyeyê diqede? Naxêr, li hemû deverên Tirkiyeyê girtîgeh çêkirin. Niha li seranserê Tirkiyê bi deh hezaran Kurd di zindanan de ne.”

Beştaş gotina Erdogan ku li Amed gotibû "Keça me ya ciwan bi navê Serok Erdogan gazî min kir" bi bîr xist û got: Kurd ji her kesî re nabêjin Serok, Kurd vê herî baş dizanin. Ez difikirim ku ew jî xeletiyek e, heqaretek ku berê li serê xebat hatiye kirin."