Di meha tîrmehê de li Amedê îxracat kêm bû, îthalat zêde bû. Sazîya Îstatîstîkê ya Tirkîyeyê (TUÎK) îstatîstîkên bazirganîya derve ya meha Tîrmehê eşkere kir.

Li gor daneyên TUÎKê li gor pergala bazirganîya giştî ya Tirkîyeyê di meha tîrmehê da îxracat ji sedî 8,3 û îthalat jî ji sedî 10,5 zêde bû.

Li gor pergala bazirganîya giştî ya Amedê di meha Tîrmehê de îxracat ji sedî 50,5 kêm bû û îthalat jî ji sedî 91,7 zêde bû.

Di tîrmehê da kêmasîya bazirganîya derve li gor heman meha par ji sedî 14,2 zêde bû û ji 10 milyar û 702 milyon dolar derket 12 milyar û 217 milyon dolar. Rêjeya îxracata bi îthalatê re di Tîrmeha 2022’an de ji sedî 63,4 bû, di tîrmeha 2023’an de jî daket ji sedî 62,2.