Li hin gundên Çêrmûgê 7 meh in pirsgirêka avê heye. Niştecîhên mexdûr dîyar kirin ku ger pirsgirêk bidome wê ji hermê koç bikin.

Şênîyên gundê Kûşlûkçayiri Alyan ê navçeya Çêrmûga Amedê, li benda çareserîya pirsgirêka avê ne ku 7 meh in dijîn û dîyar kirin ku çavkanîyên wan ên avê ziwa bûne.

Muxtarê taxê Nîhat Gul, dîyar kir ku çavkanîya avê ya ku di erdhêja 6'ê Sibatê de ji sondajê hatîye dayîn ziwa bûye û wiha got, “Di 28 malan de 250 kes, 4 hezar pez û 500 dewar bê av bûne û em ji rayedaran daxwaz dikin ku ew li benda çareserîyê ne.

Gul, anî ziman ku wan gelek caran pirsgirêkên xwe ji rayedaran re ragihandine û wiha berdewam kir, “Ji ber tîbûnê gelê me dest bi firotina pez û dewaran kirine. Tevî ku kêmbûna ava gund ji hemû rayedaran re hat ragihandin jî, tu çareserî nehat dîtin. Ji ber nebûna avê gundî neçar dimînin koç bikin. Gelek gundî xwedî heywan in. Em ji rayedaran avê dixwazin.” Şênîyên gund, dîyar kirin ku ji ber bê avîyê jîyan nabe, û ji ber pirsgirêka avê gelek gundî wê pez û dewarên xwe bifiroşin û ji gund koç bikin.