Rêxistina Rojnamegerên Sînornenas (RSF) rapora xwe ya sala 2022’an eşkere kir.

Li gor rapora 2022’an a RSF’ê, 533 rojnameger dema xwestin raya giştî agahdar bikin hatine girtin. 57 rojnameger hatine kuştin, 65 nûnerên çapemenîyê dîl hatin girtin û 49 jî winda bûn e. Rêxistina RSF'ê ku navenda wê li Parîsê ye, di daxuyanîya xwe ya çapemenîyê de ragihand ku di sala 2022'an de di mafên rojnamegerîyê de kêmbûneke cidî heye û heta 1'ê Kanûnê 533 rojnamegerên girtî hatine tespîtkirin. Li gor sala borî ji sedî 13,4 zêdebûneke rekor nîşan dide.