Alîkarê Serokê Koma Partîya Demokratîk a Gelan (HDP) û Parlamenterê Stenbolê Saruhan Oluç bertek nîşanê daxuyanîyên Seroka Giştî ya ÎYÎ Partîyê Meral Akşener da. Akşener, di daxuyanîyên ku di civîna koma partîya xwe ya Meclîsê de da, hevdîtina AKP û HDP'ê ya ji bo guhertina destûra bingehîn a di mijara sergirtinê de rexne kir û got ku heyetên her du partîyan şerm nakin li ser heman maseyê rûdinin. Oluç li ser hesabê xwe yê medyaya civakî nivîsek parve kir û wiha got; “Heyeta di bin serokatîya Wezîrê Dadê Bozdag de ji derîyê me derket, di korîdorê de meşîya û çû ÎYÎ Partiyê û bi wan re axifî, weke ku dibêjin mase danî. Oluç di daxuyaniya xwe ya paşê de wêneyê ku di civîna ku heyeta AKP'ê û endamên ÎYÎ Partîyê hatin cem hev de bi nivîsa "Pêdivî ye, hûn dikarin çarçoveyekê bixin û bi dîwarê xwe ve daliqînin" parve kir.