Serokê Giştî yê CHPê Kemal Kiliçdaroglu li Halk TVyê beşdarê bernameya ku Îsmaîl Kuçukkaya pêşkêş dike bû.

Kiliçdaroğlû, derbarê cezayê hepsê û qedexeya sîyasî ya ku li Serokê Şaredarîya Bajarê Mezin yê Stenbolê (ÎBBê) Ekrem Îmamoglu hatîye birîn de daxuyanî da. Kiliçdaroglû da zanîn ku “Ez nebawerim cezayê ku hatîye xwestin qebûl bibe. Ev rewş wê 6 lîderan bihêz bike û em ê mil bi mil bimeşin.” Kilicdaroglu wiha dîyarkir, “Ekrem weke şaredarê bajêr, xizmeta gelê Stenbolê dike. Çi bikin bila bikin, kes nikare Ekrem ji xizmetê vegerîne. Li Anadolê gotineke xweş heye. Dibêjin ji bo zalim zû biçe divê zulma wî zêde bibe. Ev hêza qral e. Hikûmeta yek zilamî ye. Ji ber ku hûn ê biçin ser sindoqan û hûn ê bi dengên xwe hikûmeteke otorîter bişînin." Ji alîyê din ve Kiliçdaroglu got, tiştên ku li şaredarîya bajêr ya Stenbolê qewimîn wê bandorê li pêvajoya namzedîya serokomarîyê neke.