Derhênerê Weşana Giştî yê Rojnameya Agosê Hrant Dînk ê ku 16 sal berê li Stenbolê di encama êrîşa çekdarî de hat qetilkirin, li Goristana Ermenîyan a Balikli li ser gora wî bi merasîmekê hat bîranîn.

Hevjîna wî Rakel Dînk, zarok, xwişk û birayên wî û hezkirîyên wî beşdarê merasîmê bûn. Di merasîmê de gul danîn ser gora Hrant Dînk û dua jê re hatin kirin. Li alîyê din jî, ji alîyê Platforma Ked û Demokrasîyê ya Meletîyê ve li ber mala Hrant Dînk a Meletîyê bernameya bîranînê hat lidarxistin.