Hat ragihandin ku buhayê gazê wê zêde nebe, lê piştê 1ê Gulanê wê fatûreyên gazê ya hemû malan 150 TL zêde bibe.

Bi Biryarnameya Serokkomarîyê ya berîya hilbijartinên 14ê Gulana 2023an, lêçûna 25 metrekup gaz ku li gorê mîqdarên gaza heyî digîhêje 150 TL, wê ji meha 1ê Gulana 2024an û pê ve di fatûreyan de bê dîtin.

Lêçûna gazê ya bêpere her mehê 151,75 TL ye, di heyama salekê de 1821 TL hatibû hesabkirin. Ji alîyê din ve Wezîrê Enerjî û Çavkaniyên Xwezayî Alparslan Bayraktar ragihandibû ku zêdekirina gazê di rojevê de nine.