--

Endamên Lijneya Kordînasyona Bajarê Amedê ya TMMOB'ê, dîyar kirin ku pîşeya wan tenê bûye wek rêbaza prosedurê û ji bo daxwazên xwe wê di 19'ê Îlonê de dakevin qadan.

Lijneya Kordînasyona Yekîtîya Odeyên Endezyar û Mîmarên Tirk (TMMOB) a bajarê Amedê, (ÎKK) bi sernavê "Em ji bo mafên xwe û siberoja xwe têbikoşin" li Şaxa Odeya Endezyarên Kadastro û Nexşeyê daxuyanîyeke çapemenîyê li dar xist.

Hevberdevkê Lijneya Kordînasyona Bajarê Amedê Alîcan Çetînkaya daxuyanî xwend û wiha got, “Pîşeya endezyar, mîmar û plansazên bajarvanîyê ku demekê yek ji pîşeyên serdemê bûn, a niha hema bêje daketîye asta herî binî. Digel ku em welatê karesatê ne jî, karûbarên endezyarî, mîmarî û plansazîyê, ku divê zêdetir girîngî jê re bê dayîn, tenê bûye wek karekî ji rêzê.”

Çetînkaya, anî ziman ku namzetên ciwan ên endezyar, mîmar û plansazên bajarvanîyê hêvîyên xwe winda dikin û yên ku karekî nabînin diçin derve yan jî karên din ên derveyî pîşeya xwe dikin û wiha got, "Pirsa me vala xwendîye!' dibe sedemê vê pirsê. di hişê bi sed hezaran endezyar, mîmar û plansazên bajaran de dîyar dibe."

Çetînkaya, da zanîn ku ew ê ji bo çareserîya pirsgirêkên xwe dengê xwe bilind bikin û wiha berdewam kir, "19'ê Îlonê, di Roja Hevgirtina Endezyar, Mîmar û Bajarvanan de, weke li hemû bajaran em ê li Amedê jî dakevin qadan û bi hêza xwe ya rêxistinî emê têkoşînê berfirehtir bikin."