Raporên “parêzbendîyê” yên 14 wekîlan, ji Serokatîya Meclîsê re hatin şandin. Dosyeyên parêzbendîyê yên 14 parlementerên ku di nav wan de Alîkarê Serokê Meclisa Mezin a Tirkîye Nîmetullah Erdogmuş û Alîkarê Serokê Koma CHPê Engîn Altay jî hene peşkêşî Serokatiya Meclîsê hatin kirin. Raporên Serokomarîyê yên di derbarê rakirina qanûnê de, ji alîyê Serokatîya Meclîsê ve di lîsteya "Kaxizên Hatin"ê de hatin weşandin. Raporan ji endamên Lijneya Destûra Bingehîn û Edaletê derbasî Komîsyonê hatin kirin.

Ji bilî Erdogmûş û Altay, wekîlên ku raporên wan sewqî Komîsyonê hatin kirin jî ev in:

“Parlamentera HDP'ê ya Amedê Semra Guzel, Parlamentera HDP'ê ya Agirîyê Berdan Ozturk, Parlamentera HDP'ê ya Wanê Sezaî Temellî, Parlamentera HDP'ê ya Wanê Tayîp Temel, Parlamentera HDP'ê ya Amedê Remzîye Tosun, Parlementerê Êlihê Mehmet Rustu Tiryakî, Parlamenterê HDP'ê yê Rihayê Nusrettin Maçîn, Parlamenterê HDP'ê yê Amedê Îmam Taşçier, Parlementerê HDP'ê yê Îdirê Habîp Eksîk, Parlementera HDP'ê ya Rihayê Ayşe Sirûcû, Parlementera HDP'ê ya Amedê Salîhe Aydenîz, Parlamentera HDP'ê ya Êlihê Feleknas Uca.”

Di nav raporên ku hatin de; yê Semra Guzel’ê di 2 dosyayan de, yê Berdan Ozturkê di 3 dosyayan de, yê Tayîp Temel’ê di 2 dosyayan de, yê Remzîye Tosun’ê jî di 2 dosyayan de hene.