Do di civîna Maseya Şeşalî de hatibû daxuyandin ku ne qanûnîye ku Serokkomar Recep Tayyîp Erdogan cara sêyemîn bibe namzedê serokkomarîyê.

Ji AKPê li dijî vê daxuyanîyê bertek hat nîşandan. Alîkarê Serokê Koma AKPê Bulent Turan got, "Me gelek caran gotîye ku Erdogan di pergala Serokomarîyê da namzedê heyama duyemîn e û li pêşîya namzedîya wî tu astengî tune."Berdevkê AKPê Omer Çelîk jî derbarê mijarê de wiha got, “Di rastîyê de ev ne mijara nîqaşê ye jî. Zemîna ku ev yek li ser tê nîqaşkirin ne qanûn e, lê wek ku me berê jî dîtîye, bi rêyên neqanûnî tê xwestin ku sîyasetê beralî bikin.