Serokê Lijneya Hilbijartinê ya Bilind (YSK) Ahmet Yener, do bi şev derbarê rêjeya dengan de daxuyanîyek da.

Yener di daxuyanîyê de wiha got, “Li welat heta niha ji 192 hezar û 214 sindoqan 191 hezar û 758 sindoq hatine vekirin û rêjeya vekirina sindoqan jî, ji sedî 99,32 ye. Xuya dike ku namzetê Tifaqa Cumhûr Recep Tayyîp Erdogan ji sedî 51.91, namzetê Tifaqa Millet Kemal Kiliçdaroglû jî, ji sedî 48.09 deng wergirtîye.

Li gor sindoqên derveyê welat jî Erdogan ji sedî 59,80 û Kiliçdaroglû jî ji sedî 40,20 ê dengan stendîye. Di encama giştî ya ne fermî de Erdogan ji sedî 52,14 û Kiliçdaroglû jî 47,86 deng stendîye. Li gor encamên ne fermî Recep Tayyîp Erdogan wek Serokomar hat hilbijartin.

Her wiha encamên dawî yên Hilbijartina Parlamenterîyê ya Serdema 28’an a ku di 14’ê Gulanê de pêk hat jî wê îro yan jî sibê wê bên aşkerekirin.