Wezîrê Dadê Yilmaz Tunç, derbarê nîqaşên Dadgeha Bilind û Dadgeha Destûra Bingehîn de got, "Ji mafê serlêdana takekesî veger tune."

Wezîr Tunç berîya Civîna Koma AK Partîyê ya li Meclîsê pirsên endamên çapemenîyê bersivand û derbarê nîqaşên Dadgeha Bilind û Dadgeha Destûra Bingehîn û daxuyanîyên Serokê Giştî yê MHPê Devlet Bahçelî yên derbarê Dadgeha Destûra Bingehîn de nêrînên xwe anî ziman û wiha got:

"Ne rast e ku mirov vê mijarê bi lez û bez binirxîne.Tenê em vê yekê dîyar bikin; me di sala 2010'an de bi guhertina makezagonê rê li ber serlêdana mafê takekesî vekir. Ji ber vê yekê li ser mafê serlêdana takekesî paşve veger çênabe.

Em, maf û azadîyên bingehîn ên ku di makezagonê de hatine garantîkirin û maf û azadîyên bingehîn ên ku ji Peymana Mafên Mirovan a Ewropayê derdikevin, Me pêvajoyek destnîşan kir ku dema ku ji alîyê desthilatdarîya gel ve binpêkirinek hebe, welatîyên me berîya ku biçin Dadgeha Ewropayê, dikarin li dadgehên xwe mafên xwe bigerin.

Ev mafê herî xwezayî ye ku ji welatîyên me re hatîye dayîn; Ev tê wateya ku rêya lêgerîna mafan vekirî bimîne. Derbarê bikaranîna rêbaza serîlêdana takekesî de bitaybetî ji ber hin rewşên konjonktûrel em naxwazin ku rêbaza serîlêdana takekesî zirarê bibîne."