Fona Alîkarîya Zarokan a Neteweyên Yekbûyî (UNICEF) hişyarî da ku zêdetirî 12.3 mîlyon zarokên Sûrîyeyî hewcedarîya alîkarîyên mirovî ne. Di daxuyanîyê de hat destnîşankirin ku li Sûrîyeyê 6,5 mîlyon zarok û li welatên cîran jî 5,8 milyon zarok hewcedarê alîkarîyên mirovî ne. Hat destnîşankirin ku ji ber şerê Ûkrayna-Rûsyayê, bihayên pêdivîyên bingehîn jî zêde bûn. Di daxuyanîyê de hat ragihandin ku, li Sûriyeyê ku ev 11 sal in şerê navxweyî lê didome, 13 hezar zarok hatine kuştin û tenê di 3 mehên îsal de jî 213 zarok hatine kuştin.