Sendîkaya Kedkarên Xizmetên Rêveberîya Mehelî û Şaredarîyên Giştî (TUM BEL-SEN) ya Şaxa Amedê daxuyanîya çapemenîyê ya derbarê salvegera tayînkirina qeyûman a li şaredarîyên mezin ên Amed, Wan û Mêrdînê ku di rêveberîya Partîya Demokratîk a Gelan (HDP) de bû, da.

Di daxuyanîyê de Sekreterê Şaxa Amedê yê TUM BEL-SEN’ê Umît Ay dîyar kir ku îktîdar, teşebûsa derbeyê ya sala 2016an li leha xwe de veguherand. Îktîdar bi Biryarnameya di Hikma Qanûnê de bi sed hezaran xebatkarên dewletê ji wezîfeyên wan girt. Qeyûmên ku hatin wezîfedarkirin bi mobbingê xebatkarên şaredarîyan ji wezîfeyên wan girtin û lêpirsîn û rêbazên dijhiqûqî bi kar anîn.