Ji roja çarşemê û pê ve Tirkîye dê di bin bandora "eyyam-ı bahur" de be, ku rojên herî germ ên havînê ku jê re germa çolê, germa cehennemê û germa Afrîkayê jî tê binavkirin, wê bijîn.

Endamê Beşa Endezyarîya Meteorolojîyê ya Zanîngeha Teknîkî ya Stenbolê Dr. Huseyîn Toros, da zanîn ku di meha tîrmehê de, Tirkîye di bin bandora pêlên germê yên ku ji Afrîkayê tên de mabû.

Toros, dîyar kir ku îsal ji ber germahîya li ser asta normal ya demsalî, rekorên germahîyê hatin şikandin û wiha got: "Meha tîrmehê li gelek bajaran rekorên germahîya zêde hatin şikandin. Germahîya global roj bi roj bandora xwe nîşan dide û wê germahîya zêde nêzê hefteyekê bidome.