Şirîketên otobûsên navbajaran dîyarkirin ku dibe ku ji ber bilindbûna bihayê benzînê kontaxê bigirin. Di nav salekê de zêdebûna benzînê gihîşt ji sedî 240, zêdebûna mazotê jî gihîşt ji sedî 286. Serokê Yekîtîya Karsazên Otobûsan (OISD) Ayhan Kara, dîyarkir ku bi firotina bilêtan malîyeta benzînê jî têra wan nake û anî ziman ku yekane rê ew e ku wê daxwazên wan bi cih bînin. Kara, destnîşan kir ku bêîstîkrarîya aborî ji sînorên toleransê derketiye û wiha got; “Em hewl didin çavkanîyan hilberînin, lê ji îro pê ve ne mimkûn e ku em vê yekê bikin. Kapasîteya me ya rêwî herî kêm 150 mîlyon heye. Bi sed hezaran kes nanê vê sektorê dixwin. Ger pîşesazî hilweşe, gelek tişt di bin xirbeyan de dimîne. Ev xîret e, ne gef e. Em dixwazin hebûna xwe bidomînin.”