Şaxa Amedê ya Sendîkaya Kedkarên Tenduristî û Xizmeta Civakî (SES) bi daxuyanîyekê, ji ber ku di derbarê êrîşa çekdarî ya ku di dema boykota xwarinê ya li nexweşxaneyê de hat kirin, tu gav nehatîye avêtin bertek nîşan dan. Di 3'ê Cotmehê de di dema boykota xwarinê ya rêveber û endamên Şaxa Sendîkaya Kedkarên Tenduristî û Xizmeta Civakî ya Amedê de, endamekî wê rastê êrîşa çekdarî û fîzîkî hatibû. Şaxa SES'ê ya Amedê dîyar kir ku tevê ku 2 hefte di ser bûyerê re derbas bûne jî ti gav nehatine avêtin, “Di ser bûyera boykota xwarinê ku li ser hevalên me êrîşa çekdarî pêk hat re du hefte derbas bû. Ne betalkirin, ne jî betalkirina peymanê. Hûn li benda çi ne? Eger di demeke herî nêz de gav neyê avêtin, em ê dest bi boykoteke bêdem û bêdor bikin û ger pêwîst bike em ê rawestana kar bikin."