Serokê Yekîtîya Muteahîdên Tirkîyeyê (TMB) Erdal Eren, dîyar kir ku hêza kar têr nake ku di nava salekê de ji mexdûrên erdhêjê re xanî û avahî bên lêkirin û temam kirin.

Serokkomar Recep Tayyîp Erdogan piştê erdhêjên 6ê Sibatê destnîşan kiribû ku wê di nava salekê de avahîyên daîmî temam bibin.

Di nûçeya Canan Sakarya ya di Ekonomîmê de, Serokê TMBê Erdal Eren dîyar kir ku li herêma erdhêjê di temamkirina bi lez ya avahîyên daîmî de zehmetîyên cûda hene û wiha got: "Niha li Tirkîyeyê hêza kar a ji bo çêkirina avahîyên daîmî tune ye."Eren, anî ziman ku di peydekirina hostayên li înşaatan bixebite zehmetîyan dikişîne û got, divê hejmara dibistanên teknîkî yên pîşeyî zêde bibin.