Federasyona Futbolê ya Tirkîyeyê (TFF) di maça Play-Offê ya di navbera Amedspor û Tarsûs Îdman Yurdu ya ku roja Duşemê 16’ê Gulanê hat lîstin de, bi giştî 74 hezar TL ceza li Amedsporê birrîbû.

Serokê Amedsporê Cahît Akin, di derbarê cezayên ku li tîma wî hatine birrîn de nirxandinan kir. Akin, dîyarkir ku Amedspor li gor rêziknameya TFF û Wezareta Ciwanî û Sporê çalakîya xwe li dar dixe. Akin, anî ziman ku ji ber konjonktûra siyasî her tim rastê pêşdarazî û feraseta nîjadperest tên. Akin, dîyarkir ku di gilîyên xwe yên li rayedaran de ti encam bi dest nexistine û wiha got; “Em ê dev jê bernadin. Amedspor wê her tim bi alîgirên xwe re, di qada sporê de têbikoşe.”