Nivîskarê rojnameya Hurriyetê Abdulkadîr Selvî hevdîtina Serokomar Recep Tayyîp Erdogan û Serokê Giştî yê MHPê Devlet Bahçelî nirxand û di gotara xwe ya îro de nivîsand.  Selvî wih got, "Do her du serok hatin ba hev û nexşerêya guhertina destûra bingehîn diyar kirin. Guherîna makeqanûnê gihişt asta ku pêşkêşî Meclîsê bê kirin. Hejmara wekîlên AKPê û MHPê têra guhertina destûra bingehîn nake. Li benda piştgirîya HDPê ne, ÎYÎ Partî dudil e. CHP li dijberê wê ye. Lê ger guhertina makezagonê ji 360î ​​zêdetir piştgirî bibîne û here referandûmê, ya sereke ew e ku CHP û ÎYÎ Partî wê piştgirî bidin neçûna referandûmê. Tûra dawî ya dengdanê bi zêdeyî 400 dengî bê qebûlkirin? Çima na?"