Komîsyona Astengdaran a Partîya Demokratîk a Gelan (HDP) di çarçoveya 3'ê Kanûnê Roja Astengdaran de panelek bi mijara "Ji Astengdaran re Jîyanek Nû Mimkûn e" li dar xist.

Di panelê de Hevserokê Giştî yê HDP'ê Mîthat Sancar axivî û dîyar kir ku astengdar di her qada jîyana civakê de bi pirsgirêkan re rû bi rû dimînin. Sancar anî ziman ku astengdar û pirsgirêka astengdaran hemû bi pirsgirêkên civakê û sîyasî ve girêdayê ne û ji ber şert û mercên giran ên ku tên jiyîn herî zêde astengdar di bin bandorê de ne û wiha got: “Her ku xizanî û birçîbûn kûrtir dibe, pirsgirêk girantir dibin û çareserî jî lezgîntir dibin. Astengdar di refên herî pêş ên beşên civakê de ne ku herî zêde ev pêvajoya feqîrbûn û birçîbûnê li wan bandorê dike. Astengdar ji niha ve di rewşeke pir dijwar de ne ku ji ber lêçûna jiyanê hêza wan a kirînê kêm bûye. Ji bilî vê, gelek ji wan êdî di peydakirina amûrên ku ji bo jîyanê hewce ne, ne dijwar in, lê neçar in. Em reflekseke tîpîk a zîhniyeta ku texmîn dike heta ku pirsgirêk nebînin dê ji holê rabin û di polîtîkaya astengdaran de sepaneke giran dibînin."