Meclîsa Tenduristî û Ewlehîya Kar (ÎSÎG) ragihand ku di meha Cotmehê de herî kêm 150 karkeran jîyana xwe ji dest dane.

ÎSÎG rapora xwe ya mehane ya bîlançoya cinayetên kar eşkere kir. Li gorê raporê; Di Cotmeha 2023’an de herî kêm 150 karkeran di cînayetên kar de jîyana xwe ji dest dan. Bajarê ku li gorê bajaran herî zêde cînayetên kar lê pêk hat Stenbol bû û 17 karker mirin.

Di bîlançoya mehane de jî agahî hat dayîn ku 3 zarok û 6 karkerên penaber/koçber jîyana xwe ji dest dane. ÎSÎG dîyar kir ku di sala 2023’an de di 10 mehan de hezar û 634 karker dema dixebitîyan jîyana xwe ji dest dane.