Adem Kara ku duh ji Mîdyadê ji alîyê polîsan ve bi çekê bi awayekî giran birîndar bûbû, bi şev li nexweşxanê jîyana xwe ji dest da.

Duh li bazara ajelan a li navçeya Mîdyadê ya Mêrdînê Adem Kara (21) yê ku ji ber sûceke edlî hatibû girtin û hat berdan, bi îdiaya “ji kontrola nasnamê revîyaye” polîsan gule lê reşand û Kara ji paşîya stûyê xwe bi awayekî giran birîndar kirin. Kara rakirin nexweşxaneyê û digel hemû mudaxeleyan jiyana xwe ji dest da. Malbatê piştê karûbarên otopsîye cenaze bir goristanê û veşart. Hat zanîn ku polîsek têkildarî bûyerê re hatîye binçavkirin. Her wiha li gor beyanên şahidên bûyerê dibêjin ku 4 polîs di cihê bûyerê de bûye. Hat dîyarkirin ku heta niha ne ji alîyê Qeymeqamîya Mîdyadê û ne jî Walîtîya Mêrdînê ve derbarê bûyerê de te daxuyanî nehatîye dayîn. Dayika Adem Kara Hasîne Kara derbarê bûyerê de wiha axivî: “Polîsê dewletê lawê min kuşt. Heta sax bim ez ê doza vê yekê bikim.”