Wezîrê Derve yê Rûsyayê Sergey Lavrov piştrast kir ku Peymana Genimê Deryaya Reş 2 mehên din hatîye dirêjkirin.

Lavrov îdîayên ku dibêjin dirêjkirina peymanê bi hilbijartinên li Tirkîyeyê ve girêdayî ye red kir. Lavrov da zanîn ku wan biryar daye ku rêkeftinê 2 mehan dirêj bikin, lê di danûstandinên cîbicîkirina beşa Rûsyayê ya rêkeftinê de, tu encam bi dest neketîye.

Lavrov dîyar kir ku dirêjkirina peymana ku bi navbeynkarîya Tirkîyeyê tê kirin, tu têkilîya wê bi hilbijartinên serokomarîya Tirkîyeyê re nîne.