Qanûna zêdekirina kirêya xanîyan ya bi ji sedî 25 hat sînorkirin, di Rojnameya Fermî de hat weşandin û îro ket merîyetê. Qanûn wê ji îro û pê ve heta 1’ê Tîrmeha 2023’an derbasdar be. Li gor qanûnê, lihevkirinên di derbarê bihayê kirê de ji sedî 25’ê bihayê kirê yê sala berê derbas nebe. Ger rêjeya 12 mehî ya guherînê di endeksa bihayê xerîdar a sala kirê ya berê de, di binê ji sedî 25’ê de bimîne, wê rêjeya guherînê derbasdar be. Ev rêzik wê ji bo peymanên kirêkirinê yên ji salekê zêdetir jî were sepandin. Peymanên ku ji van rêjeyan derbas bibin wê di warê rêjeyên zêde de derbasdar nebin.