Hat îdiakirin li gundekî Bedlîsê ku piştê hilbijartinê ji ber encamên hilbijartinê, ava gund hatîye qut kirin.

Piştê ku ava gundê Şên ê navçeya Hîzanê ya Bedlîsê bi rojan e naherike, gundîyan serî li rayedaran dan.  Gundîyan dîyar kirin ku bi rojan e pirsgirêka avê ya gund nayê çareserkirin û dîyar kirin ku ji ber hilbijartinê hatine cezakirin. Kêmbûna avê, bandorê li dibistana gund jî dike ku nêzî 80 xwendekar lê perwerde dibin.

Li dibistana ku bi rojan e av nayê dayîn xwendekar di hawîrdoreke bê hijyenîk de perwerdeyê dibînin. Niştecîhên gund avê ji çem hildigrin û tînin da ku pêdivîyên xwe yên bingehîn pêkbînin. Gundîyan xwestin ku dengê wan bê bihîstin û pirsgirêka avê di tavilê bê çareserkirin.