Baran Kizil ê ku li Amedê bi gotina "Li pişt min dewlet heye" hewl da destdirêjîyê li Îpek Gulşen bike, di 17'ê Çileyê de li 1'emîn Dadgeha Cezayê Giran a Mêrdînê di rûniştina yekemîn de hat serbest berdan.

Li gor nûçeya Ajansa Mezopotamyayê, Îpek Gulşen wiha dibêje, "Kizil hatîye serbest berdan û ez ji ewlehîya xwe bi fikar im. Ez bang li rêxistinên jinan dikim. Ez ditirsim ku ew gefa kuştinê li min û malbata min dixwe. Dîsa di vî warî de ji welatîyan daxwaza piştgirîyê dikim. Li ser vê yekê bi min re bin. Ez dixwazim hiqûq û edalet bê dîtin. Ez naxwazim wek jinên din bimirim. Werin em di vê mijarê de piştgirîyê bidin rêxistinên jinan û di têkoşîna min a hiqûqî de bi hev re bin. Ez dixwazim hêj ez sax bim dengê min bê bihîstin.