Li navçeya Sûrê ya Amedê taxên ku di dema qedexeya derve ya di sala 2015’an de hatibûn hilweşandin, bi pêşengîya Wezareta Geştûguzarî û Çandî ‘Festîvala Çandê ya Rêya Sûrê’ tê lidarxistin.

Parlamenterê Partîya Demokratîk a Gelan a Amedê (HDP) Garo Paylan berîya festîvalê li Sûrê bi şênî û esnafan re hatin gel hev. Paylan piştê hevdîtinan wiha axivî: “Yên ku Sûrê hilweşandin gotin ku em ê navçeya Sûrê wek Toledo bikin. Gelo we bi vî awayê Sûrê kir Toledo? We ji bo vê derê çi kir ku hûn ê danasîna vê derê bikin? Bi min di şûna danasînê divê ew şerm ji vê yekê bikin. Di vê berîya her tiştê ji gelê Amedê lêborînê bixwazin. Divê ji gelên Kurd, Ermenî, Suryanî û Tirkan lêborînê bixwazin. Hilweşandina ku we li vê navçeyê kir em ê ji holê rakin.”