Pêşnûmaya ku di derbarê ji sedî 30 zêdekirina mûçeya memûr û teqawîtan de hatibû amade kirin, bû qanûn.

Li Lijneya Giştî ya Meclisê "Pêşnîyara Qanûna Guhertina Sîgorteya Civakî û Sîgorteya Tenduristîyê ya Giştî, Hin Qanûn û Biryarnameya di Hukmê Qanûnê de ya Hejmar 375" hat qebûlkirin û bû qanûn. Li gor qanûnê ji bo kesên teqawîtbûyî û sûdmendên ku emekdarîya kalbûn, kêmendamî û mirîya distînin wê mûçeya herî kêm a mehane ya ku li ser dosyayê 3 hezar û 500 lîre tê pêşbînîkirin, bibe 5 hezar û 500 lîre. Li gor qanûnê desteka mûçeya herî kêm a ku ji kardêr re tê dayîn wê heta Hezîrana 2023’an berdewam bike. Ji alîyê din ve pêşnûmeya yasaya wergirtina personelên peymandanî wê îro pêşkêşî parlamentoyê bê kirin.