Li Tirkîyeyê her roj qedexeyên li ser huner, şano, festîval û konsertan zêdetir dibe.

Piştê qedexeyên li ser konsert û şanoyên Kurdî, festîvalên mezin jî ji alîyê walîtîyan ve tên qedexekirin. Di 4 mehên dawîn de ji bo 14 konsert û festîvalan destûr nehat dayîn. Herî dawî ji bo serlêdana konserta Komeleya Mafên Mirovan a Şaxa Mêrsînê re bi hinceta “li ser ewlehîyê metirsî çêdike” destûr nehat dayîn. Hevberdevkê Komîsyona Huner, Çand û Ziman ê Partîya Demokratîk a Gelan (HDP) Omer Ocalan dîyar kir ku qedexeyên ku li ber çalakîyên çand û hunere tên danîn ji ber bêdengîyê ye.