Nobeda Edaletê ya ku li Amedê ji bo girtiyên nexweş hat destpêkirin, sala xwe ya ewil li pey xwe hişt. Xizmên girtiyan û nûnerên saziyên sivîl ên li ber Edliyeya Amedê kom bûn, derbarê yekemîn salvegera çalakîyê daxuyanî dan. Xwişka girtîyê nexweş Abdulselam Guler, Încî Guler spasîya hemû kesên ku piştgirî dan çalakiya wan kir û got, “Deriyê ku me lê nexistîye tune ye. Cihê ku em lê bigerin nemaye. Ya ku em ji dewletê dixwazin edalet e. Em ê her tim bi girtîyên xwe re bin. Em ê heta dawîyê li edaletê bigerin." Di daxuyaniya çapemeniyê de, hat xwestin ku girtiyên nexweş bên berdan.