Li Amedê welatîyek ku di erdhêjê de mala wî xera bû, bi hinceta ku nikare ji TOKÎ’yê xanîyek bikire, xwest xwe bikuje.

Welatîyê bi navê Recep ê ku çû ser Avahîya Ozkan a li ser Kolana Lefkoşe ya navçeya Baglar a Amedê ku dihat hilweşandin, hewl da xwe bikuje. Hat îdîakirin ku welatîyê ku piştê erdhêja 6ê Sibatê ya Mereşê avahîya ku mala wî tê de bû zirareke mezin dît û destûr nedan ku ji malên TOKÎ yên çêkirina wan didome sûdê werbigire, ji bo bertekê hewl da ku xwe bikuje.

Li ser agahdarkirinê, tîmên tenduristîyê, agirtef û polêsan sewqê cîhê bûyerê hatin kirin. Piştê hewldanên îqnakirina demdirêj a polêsan welatîyê bi navê Recep ê paşnavê wî nehat zanîn ji avahîyê hate xwarê û ji cîhê bûyerê hate derxistin. Hat ragihandin ku mala welatîyê bi navê Recep li ser navê xizmekî wî bû û ji ber ku piştê erdhêjê encamek ji hewldanên xwe bi dest nexist, serî li vê rêyê daye.