Endamê MKYK'ê yê AK Partîyê Orhan Mîroglû got ku, "Di encama qeyûman de bingeha sîyaseta sivîl û demokrasîyê ya li başûrrojhilat xurt nebû, berovajî wê qels bû." Mîroglû di hevpeyvîna xwe ya bi Cansu Çamlibel a T24ê re wiha got: "Ev polîtîkayên qeyûmê ji AK Partîyê re ne feydeyê û ne jî zirara wî tine.

Ev 6-7 sal e em li ser wan nîqaşan dikin. Birastî ez difikirim ku vê sîyasetê bi kêrê AK Partîyê nehat, lê tenê bi vê perspektîfê li meselê mêzekirin xelet e, mirov bi perspektîfa sîyaseta sivîl û demokrasîyê lê binihêre helwestek rasyonel e. Ji ber ku di encama qeyûman de bingeha sîyaseta sivîl û demokrasîyê li başûrrojhilat xurt nebû, berovajî wê qels bû.