Li bakurê Îtalyayê, ji ber barana guj lehî rabû, herî kêm 13 kes mirin.

Di dîmenên lî herêmê hatîne qeyd kirin de, tê dîtin ku kolan di bin avê de man e û welatîyên ku xwe li qatên jor û banê avahîyan girtin e ji alîyê tîmên agirtefê ve tên rizgarkirin.

Hat dîyarkirin ku wê hukûmet bi wezîran re civînekê li dar bixe û rewşa awarte ya li herêmê gotûbêj bike.

Di qonaxa yekem de 30 mîlyon euro piştgirî hat dayîn û ji bo kesên li herêm dayîna bac û kredîyê hat taloq kirin.

Li herêma Emîlîa-Romagnayê di serê mehê de baraneke guj barîyabû û li herêmê ji bo salekê rewşa awarte hatibû ragihandin.