Li Îranê ji Mamosteyê Kurdî Saywan Îbrahîmî re 11 sal cezayên girtîgehê hat birrîn.

Di daxuyanîya Rêxistina Mafê Mirovan a Hangaw de, ji Saywan Îbrahîmî ku li bajarê Sinê ya Îranê mamostayê Kurdî ye û Endamê Desteya Rêveber a Encumena Çandî û Civakî ya Nojînê ye re ji alîyê sazîya dadwerîya Komara Îslamî ya Îranê ve 10 sal bi îdîaya sûcê "Avakirina komek ji bo têkdana ewlehyê" û 1 sal jî bi hinceta sûcê "propagandaya dijî dewletê" bi giştî 11 sal cezayê girtîgehê hat birrîn.

Îbrahîmî 4 meh berê di dosyayeke cuda de cezayê "40 qamçîyan" lê hatibû birrîn. Hevjîna Îbrahîmî, Zara Muhammedî, ku di heman demê de Mamosteya Kurdî ye, par jî bi heman hincetê 5 sal cezayê girtîgehê lê hatibû birrîn, lê piştre bi saya efûyeke giştî hatibû berdan.