Ekîbên DEDAŞ’ê, (Belavkirina Elektrîkê ya Dîcleyê) li navçeya Pirsûsê ya Rihayê, jimarkerên ceyranê birin stûnan û ji ber vê yekê rageşî derket. Ekîbên DEDAŞ'ê, yên ku danê sibehê ji bo jimarkarên li Taxa Barişê derbasî stûnan bikin dest bi xebatê kirin lê ji aliyê şênîyên taxê ve hatin astengkirin. Piştê ku xebat rawestiyan, ekîbên DEDAŞ'ê polîsan gazî taxê kirin. Polîsan bi maşînên zirxî tax dorpêç kirin, bi bombeyên gazê û TOMA'yan êrîşî welatiyên taxê ku jin û zarok jî di nav de hebûn kirin. Di êrîşê de 4 kes bi gaza îsotê birîndar bûn û 2 kes jî hatin binçavkirin. Hat diyarkirin ku, kesên hatin binçavkirin birin Midûrîyeta Polîsan a Navçeya Pirsûsê.