Ji bo şermezarkirina komkujîya li Parîsê bi deh hezaran kes ji Navenda Çanda Kurd a Ahmet Kaya dest bi meşê kirin.

Di meşê de bi dirûşmeyan êrîş hat şermezar kirin. Duh di encama êrîşa çekdarî ya li dijî Navenda Çanda Kurd a Ahmet Kaya ya li Parîsê ya paytexta Fransa, Emîne Kara, Mehmet Şîrîn Aydin û Abdurrahman Kizil jîyana xwe ji dest dabûn. Bi deh hezaran kurd ên li Ewropayê dijîn, ji bo şermezarkirina qetlîamê li ber Komeleya Çanda Kurd a Ahmet Kaya li hev civîyan, bi dirûşmeyan heta Qada Cumhûrîyetê meşîyan.