Li kolanên Sûra dîrokî wê pêşbirka bazdanê bê lidarxistin.

Midûrîyeta Şaxa Ciwan û Sporê ya Amedê daxuyand ku di çarçoveya Çalakîyên Hefteya Sporê ya Ewropayê de, wê li navçeya Sûra Amedê çalakîya "Pêşbazîya Kuçeyên Sûrê ya Xelatgirtî" bê tertîpkirin.

Pêşbirka ku tê dîyarkirin xelata wê ya pere jî heye, wê 26ê Îlonê serê sibê demjimêr di 10:00an de ji Çîftkapi ya li ber PTTyê dest pê bike û li ber avahîya Qeymeqamtîya Nû bi dawî bibe. Hat dîyarkirin ku ji bo çalakîya ku di çarçoveya Çalakîyên Hefteya Sporê ya Ewropayê de wê bê lidarxistin, hemû hemwelatî hatine vexwendin.