Yekem car di dîroka Iraqê de jineke Kurd bû pîlotê sereke ya Ajansa Hewayî ya Sivîl a Iraqê.

Pîlotê Serek Rejîn Doskî yekem sefera xwe ber bi Dubaî’yê ve kir. Rêjîn Doskî ku li Dihokê ji dayîk bûye, xwendina xwe ya firokevanîyê li Urdinê qedandîye û ji sala 2014an ve di warê hatûçûna asmanî de kar dike.

Ew di sala 2017an de tevlê Şîrîketa Hewayî yên Iraqê bû. Li gor nûçeya Rûdawê, Rêveberê Giştî yê Ajansa Hewayî ya Sivîl a Iraqê Welîd Delfî wiha got, "Rêjîn Doskî di dîroka Iraqê de bû yekemîn jina Kurd ku gîhîşt asta Pîlotê Serek."