Di pevçûnên ku piştê agahîya Mûkteda es-Sadr siyasetê berda, dest pê kirin, hejmara kesên ku jiyana xwe ji dest dane derket 25’an, 380 kes jî birîndar bûn. 

Piştê ku Serokê Tevgera Sadrê Mûkteda es-Sadr biryara berdana siyasetê da, kesên ku piştevanîya  wî dikirin, li ser biryarên Lijneya Wezîr û Qesra Serokomarîyê ya di nava sînorê Herêma Kesk a Bexdayê de, hatin girtin. Di navbera hêzên ewlehîyê yên hûndirîn û alîgirên Sadr de pevçûn derket. Piştê ku pevçûn li  welêt belav bû li tevahîya Iraqê qedexeya derketina derve hate îlankirin. Endamên Tevgera Sadrê yên enîya leşkerî ya biçekan, bi biryara qedexeyê re daketin kolanan. Hat dîyarkirin ku di pevçûnên ku çekên giran jî tê de hatin bikaranîn, heya niha 25 kesan jiyana xwe ji dest da û 380 kes jî birîndar bûn. Mûkteda es-Sadr ragihand ku piştê ku pevçûn qewimîne ew ketîye greva birçîbûnê. Ji rêveberên Koma Sadr Hassan el-Azerî li ser hesaba xwe ya medyaya civakî daxuyanî da û got ku heta ku ev bûyer rawestin dê Sadr greva xwe ya birçîbûnê bidomîne.