Bajarê Hersonê ku di bin kontrola Rûsyayê de ye û li başûrê Ûkraynayê cîh digre, rêveberê bajêr dîyar kir ku ji bo herêm beşdarê Rûsyayê bibe wê referandum pêk were.

Vladimir Saldo ku ji alîyê rêveberîya Moskowê ve wek serok hat tayînkirin, ragihand ku ji bo referandûmê li benda pejirandina Kremlînê ne. Saldo di daxuyanîya ku ji ser Telegramê weşand destnîşan kir ku daxwaza wan ew e ku Herson bibe parçeyek Rûsyayê. Her wiha hat dîyarkirin ku derbarê dîroka referandûmê de agahî nehat dayîn.