Midûrtiya Karûbarên Fenî ji bo welatî karibin li Çermûgê di hawîrdoreke saxlem de sewalan bifiroşin û serjê bikin projeyek amade kir. Di çarçoveya projeya ku bi 15 milyon TL îhale hat kirin de qadeke firotin û serjêkirina heywanan ji 4 hezar metrekareyî tê çêkirin.

Armanc ew e ku goştê saxlem û bi kalîte were hilberandin

Bi saya tesîsê welatiyên ku li navçeya Çermûgê û navçeyên derdora wê bi sewalkariyê re mijûl dibin dê heywanên ku diçêrînin bifiroşin. Bi temambûna qada firotin û serjêkirina sewalan re wê bi teknîkên nûjen goştê saxlem, bi kalîte û hazir bê çêkirin.