Li Amedê êrîşên Îsraîlê yên li ser Gazeyê duh bi şev careke din bi meşekê hat protestokirin.

Endamên Serokatîya Şaxa Ciwanan a Amedê ya HÛDA PAR û gelek ciwanên ku li deverên cuda yên navçeya Baglarê hatin cem hev û di destên wan de alayên Tirk û Filistînê hebûn, heta ber Dibistana Seretayî ya Hurriyetê ya li ser Kolana Ogretmenler a taxa 5 Nîsan meşîyan. Di meşê de pankarta "ji ciwanên Amedê silav ji Gazeyê re" hat hilgirtin.

Endamê Teşkîlata Şaxên Ciwanan a HUDA PARê Selahaddîn Guler ku li ser navê komê daxuyanî da û wiha got: "Divê Misliman li gel hemû cudahîyan ji her demê zêdetir bibin yek. Divê neyê jibîrkirin ku îro jî wek berê rêya azadiya Quds û Mescida Eqsayê ji yekitiya Mislimanan derbas dibe.” Her wiha Guler banga boykotkirina berhemên Îsraîlê kir.