Hat dîyarkirin ku ji bo çareserkirina pirsgirêka ava vexwarinê ya gundê Gozalan a navçeya Kayapinarê, xebat hatin destpêkirin.

Ekîbên Midûrîyeta Giştî ya Îdareya Av û Kanalîzasyonê ya Amedê (DÎSKÎ) li gundê Gozalan a ku 67 mal lê heye û nifûsa wê nêzî 700 kes e, bi dirêjahîya hezar û 861 metre, xeta tesîsata ava vexwarinê ya bi qalibên cuda tên bicîh kirin.

Midûrê Giştî yê DÎSKÎyê Firat Tutşî ku li devera xebatê lêkolînê kir, dîyar kir ku projeya ku li taxê tê kirin gihîştîye qonaxa qedandinê. Tutşî destnîşan kir ku divê avdana bax û baxçeyan bi ava vexwarinê neyê kirin û da zanîn ku divê her kes ava vexwarinê bi awayekê teserûf û bi zanebûn bikar bîne.