Koroya Şaristanîyên Antakyayê ku di erdhêja navenda wê Mereşê de 7 endamên xwe winda kirin, li Amedê konser da.

Koroya ku di sala 2007’an de bi beşdarîya kesên ji 3 ol û mezhebên cuda cuda ji bo çanda jîyana bi hev re ya li Hatayê nîşanê hemû cîhanê bide û heta niha gelek konser dane, di çarçoveya bernameyên Şaredarîya Bajarê Mezin a Amedê ya "Demsala Çand û Hunerê ya 2024 Alî Emîrî" de, li Navenda Çand û Kongreya Sezaî Karakoç, bi gelê Amedê re hat cem hev.

Koro bi dirûşma "Muzîk tişta herî hêsan e ku ji dilê mirovan re tesîr dike" derket ser dikê û bi zimanên Tirkî, Kurdî, Erebî, Ermenî û Zazakî stran gotin. Dîrektorê koroyê Yilmaz Ozfîrat berîya konserê di daxuyanîya xwe ya ji bo rojnamevanan de dîyar kir ku li Amedê mirovên ji olên cuda bi hev re dijîn.