Civata Çapemenîyê, Derhênerê Weşana Giştî yê Rojnameya Agosê Hrant Dînk ku hatibû qetilkirin bi bîr anî.

Konseya Çapemenîyê der barê mijarê de daxuyanîyek da û wiha got, “Em Hrant Dînkê Derhênerê Weşana Giştî yê Rojnameya AGOSê di 16’emîn salvegera qetilkirina wî de bi rêzdarî bi bîr tînin. Rojnamevan û nivîskar Hrant Dînk ku di 19'ê Çileya 2007'an de li ber avahîya rojnameyê ji alîyê çekdarekî ve hat qetilkirin, rewşenbîrekî evîndarê welatê xwe bû. Di jîyana xwe de li şûna şer ji bo aştîyê, li şûna dijminatîyê têkoşîna biratîyê dikir. Ew rojnamevan û nivîskarekî baş bû. Evîndarê pîşeya xwe bû, her tim mafê gel yê wergirtina agahî, azadîya derbirînê û çapemenîyê parast. Dijminên aştî û azadîyê yên ku kuştina Hrant Dînk plan kirin, di nava 16 salên navberê de bi temamî nehatin eşkerekirin. Em careke din hevrêyê xwe yê hêja Hrant Dînk bi rêzdarî bi bîr tînin.”