Serokê Giştî yê Partîya Gel a Cûmhûrîyetê (CHP) Kemal Kiliçdaroglu dîyar kir ku em soza ‘Derbasbûna Sîstema Parlamenter’ didin û em îdîa dikin ku ‘maseya 6 partîyan’ wê di tûra pêşîn de serokomarîyê qezenc bike û Tifaqa Gelan wê raya piranîyan bi dest bixe.

Kiliçdaroglu bal kişand ser hişmendîya qedexeker a îktîdarê û wiha axaftina xwe domand: “Hişmendîya qedexeker di îktîdara sîyasî de di pêvajoya têkçûyînê de ye. Îktîdar bi van qedexeyan banga ‘ez nikarim welatê Tirkîyê birêve bibim’ dike.” Her wiha Kiliçdaroglu hewldanên avakirina pêwendîyên navbera Tirkîye û Sûrîye nirxand û wiha got: “Ev pêngaveka gelekî girîng e. Îktîdar ji bo pêngavê dereng mabû. Avakirina pêwendîyên nû yên di navbera Tirkîye û Sûrîyê de geşedanek erênî ye lê yên ku di civakê de bingeha pevçûnê ava dike divê hesab bide vê civakê û her wiha lêborînê bixwaze.