Ji ciwanê Şemzînanê ku li Herêma Kurdistanê wek karker dixebitîya, 24 roj e tu xeber nayê girtin.
Li gorê nûçeya Rûdawê, Okan Kaplan ê 21 salî ku li Şemzînana Colemêrgê ye, ji şîrîketa ku li bajarê Hewlêr a Kurdistanê ye û li wir dixebite, di 8ê Mijdarê de ji betlaneyê destûr xwet û derket.
Ji Kaplan ê ku herî dawî li texsîyê siwar bû, tu xeber nehat girtin. Malbata Kaplan anî ziman ku 24 roj e agahî ji kurê xwe nagirin û şopa kurê xwe nabînin.
Malbata Kaplan anî ziman ku ji bo dîtina kurê xwe Okan ji her kesê alîkarîyê hêvî dikin.
