Ji bo Hilbijartina Giştî ya Rêveberîya Herêmî ya ku wê di 31'ê Adarê de bê lidarxistin 41 roj man, li gorî salnameya hilbijartinê, partîyên siyasî wê herî dereng sibe saet 17:00'an lîsteyên namzetên xwe pêşkêş bikin.

Lîsteyên namzetan ên demkî ku namzetên serbixwe jî di nav de hene, wê di 23'ê Sibatê de bên eşkerekirin û dema îtirazkirina lîsteyan jî wê di heman rojê de dest pê bike. Lîsteyên dawî yên namzetan wê di 3'ê Adarê de bên eşkerekirin.

Li gorê Salnameya Hilbijartinê, cîh û sindoqên dengdanê yên hilbijêran hatine dîyarkirin û ji 29ê Sibatê ve dest bi tomarkirin û belavkirina pelên zanyarîyên hilbijêran dike. Belavkirina pelên agahîyên hilbijêran wê di 24ê Adarê de biqede. Partîyên sîyasî wê heta 22’ê Sibatê di lîsteyên namzetan de kêmasîyên xwe temam bikin.